Arbnor Istogu zgjidhet administrator i fshatit Polluzhë

Mbrëmë, Komisioni Komunal për mbarëvajtjen e procesit të zgjedhjes së Këshillave të fshatrave në komunën e Drenasit, ka mbajtur takim me banorët e fshatit Polluzhë, ku pikë e rendit të ditës ishte zgjedhja e administratorit të fshatit si dhe këshillit lokal.

Bazuar në Rregulloren Komunale për zgjedhjen e administratorëve, detyrave dhe përgjegjësive, dhe duke ndjekur procedurat konform rregullores në fjalë, me shumicë votash është zgjedhur administratori i fshatit Polluzhë, Arbnor Istogu, si dhe katër anëtarët e këshillit lokal, në përbërje nga: Vlorsim Istogu, Blendina Veliqi, Haki Kastrati dhe Izet Maloku.

Me zgjedhjen e administratorit dhe formimin e këshillit lokal, administratori i rizgjedhur, Arbnor Istogu është zotuar se do të punoj me nder dhe përgjegjësi në interes të banorëve që jetojnë në fshatin Polluzhë.

Zgjedhja e administratorëve nëpër fshatrat e komunës së Drenasit do të vijoj në javët në vazhdim, gjithmonë sipas agjendës së publikuar në ueb-faqen dhe facebookun e Komunës së Drenasit.