Habib Gashi zgjidhet administrator i fshatit Nekoc

Sot, në ambientet e shkollës fillore të fshatit Nekoc janë mbajtur zgjedhjet për administraror (kryetar) të fshatit dhe këshillit lokal, ku me shumicë votash është zgjedhur si përfaqësues i këtij fshati, Habib Gashi.

Komisioni Komunal për mbarëvajtjen e procesit të zgjedhjes së Këshillave të fshatrave në komunën e Drenasit, ka mbajtur takim me banorët e fshatit Nekoc, ku pikë e rendit të ditës ishte zgjedhja e administratorit të fshatit si dhe këshillit lokal.

Bazuar në Rregulloren Komunale për zgjedhjen e administratorëve, detyrave dhe përgjegjësive, dhe duke ndjekur procedurat konform rregullores në fjalë, me shumicë votash është zgjedhur administratori i fshatit Nekoc, Habib Gashi, si dhe anëtarët e këshillit lokal, në përbërje nga: Ylber Fana, Ramadan Rrukiqi, Albenit Ramadani, Hamit Demiri, Muhamet Murseli dhe Arben Zeka.

Me zgjedhjen e administratorit dhe formimin e këshillit lokal, administratori i rizgjedhur, Habib Gashi është zotuar se do të punoj me nder dhe përgjegjësi në interes të banorëve që jetojnë në fshatin Nekoc.

Zgjedhja e administratorëve nëpër fshatrat e komunës së Drenasit do të vijoj në javët në vazhdim, gjithmonë sipas agjendës së publikuar në ueb-faqen dhe facebookun e Komunës së Drenasit.