Sot mbahen zgjedhjet për administrator dhe këshillin lokal në fshatin Tërstenik I dhe II

Sot mbahen zgjedhjet për administrator dhe këshillin lokal në fshatin Tërstenik I dhe II

Sot, në ora 18:30 në Shkollën Fillore të Mesme të Ulët “Dëshmoret e Qëndresës” në fshatin Tërstenik II, do të mbahen zgjedhjet për administrator (kryetar) të fshati Tërstenik I dhe II si dhe zgjedhjen e këshillit lokal.

Në këtë takim do të jenë anëtarët e komisionit për strukturën organizative dhe funksionale të fshatrave dhe lagjeve urbane për të zgjedhur administratorët dhe anëtarët e këshillave lokale; nga ekzekutivi, pjesëmarrës do të jetë, Arben Shala, nënkryetar i Komunës; Shqipe Hoxha, përfaqësuese nga Shoqëria Civile; Fatmir Baliu, Hamit Haxhiu, Egzona Tërdevci dhe Beqir Kiqina, anëtarë nga Kuvendi i Komunës, si dhe një përfaqësues i fshatit Tërstenik I ose II, ku mbahen zgjedhjet.

Komuna e Drenasit, fton të gjithë banorët e fshatit Tërstenik I dhe II, të marrin pjesë për zgjedhjen e përfaqësuesit e tyre.

Referojuni agjendës së takimeve të bashkëngjitur këtij njoftimi.