Komuna e Drenasit përkujton komandantin Mujë Krasniqi dhe bashkëluftëtarët e tij

Nënkryetari i Komunës së Drenasit, Arben Shala, bashkë me drejtorët e drejtorive, në 25 vjetorin e rënies së heroit Mujë Krasniqi dhe 41 bashkëluftëtarëve të tij, bën homazhe dhe vendosen lule të freskëta në Kompleksin e Dëshmorëve në Marinë.

Në përvjetorin e 25 të rënies së Komandant Krasniqit, u përkujtuan dhe nderuan 41 bashkëluftëtarët të cilët padyshim do mbesin të paharruar në historinë e lavdishme të luftës së UÇK-së.

Mujë Krasniqi dhe bashkëluftëtarët e tij, ranë heroikisht 25 vite më parë, më 14 dhjetor të vitit 1998, në një pritë nga forcat serbe, afër kufirit Kosovë-Shqipëri.

Mujë Krasniqi, i njohur si komandant Kapuçi, ishte një prej luftëtarëve të parë të UÇK-së.

Lavdi komandantit Mujë Krasniqi.

Lavdi heronjve, dëshmorëve dhe martirëve të lirisë!