Dëgjimi i parë buxhetor filloi nga ora 11:00 në Qendrën Kulturore “Imri Curri” me grupe të ndryshme të interesit.
Gjithsej në këtë dëgjim buxhetor ishin prezent 22 pjesmarrës, ndërsa dëgjimi i dytë u mbajt në SHFMU “Kështjella e Diturisë” në fshatin Paldenicë, me gjithsej 15 pjesëmarrës.
I pranishëm në të dy dëgjimet buxhetore ishte edhe Nënkryetari i Komunës z. Sevdi Dernjani, i cili e pat fjalën hyrëse duke cekur rëndësinë e përfshirjes së qytetarëve në procese të planifikimeve buxhetore, ndërkaq prezantimin e Projekt Buxhetit për vitin 2025 dhe vlerësimet për vitet 2026-2027 e bëri Drejtorja për Buxhet dhe Financa.
Në këto dëgjime, banorët patën mundësinë të shprehin propozimet e tyre mbi planet buxhetore me qëllim që buxheti i vitit 2025 të reflektojë kërkesat dhe nevojat e qytetarëve.
Komuna Hani i Elezit falënderon përzemërsisht të gjithë qytetarët/et që ishin pjesë e këtyre dëgjimeve.
Nëpërmjet një procesi gjithëpërfshirës të planifikimit buxhetor me komunitetin, do të sigurohet transparencë dhe llogaridhënie.Me qytetarët, projektet bashkë i zgjedhim, bashkë i mbikëqyrim dhe bashkë i gëzojmë.