Sot, me datë 18 Tetor është hapur fushata vetëdijesuese kundër trafikimit me njerëz nga Zyrtarja për Mbrojtje të Fëmijëve dhe Riintegrim znj.Vlora Gjoci në kuadër të Sektorit për të Drejtat e Njeriut dhe Komunitete – Drejtoria për Administratë Komunale në bashkëpunim me përfaqësues nga Policia në Istog.
“Fushata Vetëdijesuese kundër Trafikimit me Njerëz” është mbajtur me nxënësit e klasave të VIII në FSHMU “Trepça” në Banjë.
Qëllimi i fushatës është parandalimi i trafikimit të qenieve njerëzore, si një nga format me të rënda të shkeljes së të drejtave të njeriut, ngritja e vetëdijes së popullatës së gjerë për rolin dhe rëndësinë e identifikimit të hershëm të viktimave potenciale të trafikimit, faktorët dhe pasojat e trafikimit, si dhe vetëdijesimi për raportimin e rasteve të trafikimit tek institucionet përgjegjëse.
“TRAFIKIMI PREKË TË GJITHË! TA MBROJMË VETËN DHE FËMIJËT TANË”
“MOS HESHT”
