Kryetari i Komunës së Lipjanit, Imri Ahmeti, ka nënshkruar sot marrëveshje mirëkuptimi me drejtorin e UNICEF për Kosovë, Murat Sahin, për realizimin e të drejtave të fëmijëve.
Përmes këtij memorandum të mirëkuptimit mes Komunës së Lipjanit dhe UNICEF synohet zbatimi i “Nismës e Komunës mike ndaj famijëve”.
I pari i Lipjanit, Imri Ahmeti tha se përmes këtij memorandumi Komuna e Lipjanit tregon se është e përkushtuar për ti përmbushur të drejtat e fëmijëve.
Drejtori i UNICEF për Kosovë, Murat Sahin, theksoi se ky bashkëpunim me Komunën e Lipjanit pritet që do të zgjasë për pesë vitet e ardhshme, për të shtyrë përpara agjendën e të drejtave të fëmijëve.
