Kryetari i Komunës së Lipjanit, Imri Ahmeti i shoqëruar me bashkëpunëtorët e tijë, sot gjatë ditës kanë pritur në takim Ministrin e Administrimit të Pushtetit Lokal, Elbert Krasniqi me të cilin kanë diskutuar për bashkëpunimin dhe koordinimin e aktiviteteve të përbashkëta.
Gjatë takimit është diskutuar lidhur me harmonizimin ndërmjet dy institucioneve në realizimin e projekteve ekzistuese të cilat po implementohen në teren dhe mundësitë për projekte të reja infrastrukturore.
Kryetari Imri Ahmeti, ka theksuar nevojen e mbeshtjes nga ana e Ministrisë së Administrimit të Pushtetit Lokal në ligjin e pagave të shërbyesve publik në mënyrë që ata të kenë pagën e merituar karahas punës që bëjnë.
Kryetari Imri Ahmeti së bashku me Ministrin Krasniqi ka vizituar administraten komunale dhe së bashku kanë vazhduar viziten e projekteve të cilat po implementohen në teren e sidomos ato projekte që janë fituar me Grantin e Përfomancës nga Komuna e Lipjanit e cila është renditur si e dyta në nivel vendi.
