Malishevë, 19 shtator
Nën drejtimin e kryesuesit, Argjend Thaçi, u mbajt mbledhja e pestë e rregullt e Komitetit për Politikë dhe Financa, në këtë takim, prezent ishin edhe drejtorët, Blerim Thaçi, për Ekonomi, Financa dhe Buxhet si dhe Sylë Dukolli, për Bujqësi, Pylltari dhe Zhvillim Rural.
Anëtarët e Komitetit për Politikë dhe Financa, pas prezantimit të projekt- buxhetit, për vitin 2023/2025, nga drejtori, Blerim Thaçi, debatuan dhe e rekomanduan për kuvend, po ashtu edhe për raportin e korrje – shirjeve, që e paraqiti, drejtori, Sylë Dukolli, anëtarët e KPF-së e diskutuan.
Në këtë takim u debatuan dhe u rekomanduan për kuvend edhe disa pika si: Për arsim për zgjedhjen e drejtorëve dhe zëvendësdrejtorëve në institucionet arsimore, dhe shqyrtimi i disa kërkesave të qytetarëve.
