Policia e Kosovës në Malishevë në bashkëpunim me Drejtorinë e Arsimit dhe Edukimit mbajtën takim me një pjesë të drejtorëve të shkollave,ku u diskutua Siguria në shkollë dhe hapat që po ndermarrin në parandalimin e dukurive negative.
Komandanti i stacionit policor në Malishevë, Nazmi Zogaj u tregua i gatshëm për bashkëpunim me të gjitha palët që ambienti i mirë dhe i sigurt në shkolla të vazhdoi.
Drejtoresha për Arsim dhe Edukim Arbresha Krasniqi, theksoi, ‘ne do të ofrojmë të gjitha mundësitë dhe po punojmë që prioriteti ynë të forcohet me sigurimin e kushteve edhe më të mira për nxënës, dhe stafin arsimor, në nivelin e sigurisë në shkolla’, kurse drejtorët e shkollave të komunës sonë parashtruan kërkesat e tyre për një ambient të sigurt dhe të motivuar për nxënësit në mësimnxënie dhe për mësimdhënësit në mësimdhënie si dhe ta avancojmë bashkëpunimin me prindër dhe struktura tjera të shkollës’.
