Kryetari i Komunës së Malishevës, Ekrem Kastrati, e ka pritur sot në takim, presidentin e Komitetit Olimpik të Kosovës (KOK), Ismet Krasniqi, me të cilin kanë biseduar për çështje të ndryshme, që lidhen me sportin, infrastrukturën sportive dhe zhvillimet e përgjithshme në sport dhe federatat sportive.
Kryetari Kastrati, pasi e ka falënderuar presidentin e KOK-ut, Ismet Krasniqi, vizitën e tij e ka vlerësuar si shumë të rëndësishme edhe në aspektin e motivimit për të rinjtë sportist të komunës sonë, si dhe për përpjekjet e Komunës së Malishevës, për zhvillimin e sportit, përmes ndërtimit të infrastrukturës sportive, jo vetëm në sportet ku dallohet Malisheva, por edhe në sporte tjera.
Nga ana tjetër, edhe presidenti i KOK-ut, Ismet Krasniqi, e ka falënderuar kryetarin Ekrem Kastrati, për pritjen e bërë, por edhe angazhimet e kryetarit dhe Komunës së Malishevës, në zhvillimin e përgjithshëm të sportit.
Kastrati e Krasniqi, kanë biseduar edhe për çështje tjera me rëndësi, në fushën e sportit dhe përfaqësimit sa më të mirë të Kosovës, në arenën ndërkombëtare.
Në këtë takim, ishin të pranishëm edhe zyrtarë përgjegjës komunal dhe përfaqësues të ekipeve të ndryshme nga Komuna e Malishevës, e të cilët po e përfaqësojnë denjësisht vendin tonë në garat e niveleve të ndryshme.
