Komiteti për Shëndetësi, Mirëqenie Sociale dhe Persona me Aftësi të Kufizuara, sot mbajti mbledhjen e katërt të rregullt nën kryesimin e Aziz Thaçit.
Në këtë mbledhje u debatua nga anëtarët e Komiteti për Shëndetësi, Mirëqenie Sociale dhe Persona me Aftësi të Kufizuara, tema për ndërgjegjësimin kundër kancerit të gjirit, ku ditë më parë u organizua në qytetin e Malishevës ecja tradicionale në kuadër të aktiviteteve për shënimin e muajit të ndërgjegjësimit kundër kancerit të gjirit. Kjo ngjarje u organizua nga Zyra për Barazi Gjinore dhe Qendra Kryesore e Mjekësisë Familjare (QKMF), me mbështetjen e Kryetarit të Komunës së Malishevës, Ekrem Kastrati.
Ky aktivitet po vazhdon edhe këto ditë të teorit rozë sa kanë mbetur, nga drejtori Afrim Krasniqi dhe ekipi, i QKMF-së, për shërbimet e mamografisë dhe ultrazërit të gjirit që po ofrohen falas në QKMF.
Komiteti për Shëndetësi, Mirëqenie Sociale dhe Persona me Aftësi të Kufizuara, u bëri thirrje institucioneve përgjegjëse vendimmarrëse në nivel vendi, që të bartin ligjërisht kthimin e Institucionit shëndetësor QKMF-së, të Komunës së Malishevës, me regjionin e Prizrenit, kjo u forcua edhe pas vizitës , që kishin bërë anëtarët e këtij komitetit në Institutin Regjional të Prizrenit.
Po ashtu u trajtuan edhe disa tema si uji i pijshëm, situata e shëndetit publik të qytetarëve në Malishevë, por edhe për disa takime që do të ndodhin në muajin nëntor të anëtarëve me disa institucione në komunën e Malishevës.
