Sot, në Kabinetin e kryetarit të Komunës së Novobërdës, u mbajt një takim i Kryetarit të Komunës me përfaqësuesit e Organizatës Ndërkombëtare për Migrim (IOM).
Në takim morën pjesë gjithashtu një përfaqësues i Administratës Komunale, një përfaqësues i Qendrës për Punë Sociale dhe një përfaqësues i Zyrës për Komunitete dhe Kthim.
Tema e takimit ishte një përmbledhje e situatës aktuale të shkaktuar nga virusi Korona, faktorët parandalues në luftën kundër këtij virusi, si dhe bashkëpunimi midis dy palëve për ta përmirësuar atë.
Për më tepër, në takim u diskutua edhe për zbatimin e projekteve të caktuara, i cili pritet në mes të këtij muaji.
