Në bazë të memorandumit të nënshkruar ndërmjet Komunës së Gjilanit dhe Novobërdës, sot në sallën e kuvendit është mbajtur takimi i parë informues me të rinjtë nga komuna e Novobërdës.
Qëllimi i projektit „Të rinjtë në agrobiznes-Regjioni Ekonomik -Lindje“ në Komunën e Gjilanit dhe të Novobërdës është krijimi punësimit profitabil dhe krijimin e të ardhurave për rinin në këto komuna.
Fushat me të cilat do të merret projekti janë:
- Prurja e mundësive të rinjve në viset rurale të cilat i promovojnë ndërmarrjet inovative në bujqësi dhe agrobiznes.
- Ngritja e nivelit të aftësive në agrobiznes dhe mundësit ekonomike për të rinj në viset rurale.
- Promovimi i rrjetit të agrobiznesit për të rinj dhe ofrimi i informatave interaktive të shërbimeve.
- Ngritja e vetëdijes mbi çështjet gjinore ndërmjet të rinjve dhe sigurimi i mundësive të njëjta në avancimin e grave të reja në agrobiznes.
Projekti ka filluar me punët me 11 Gusht 2018 dhe do të zgjasë 22 muaj.
Në këtë takim kanë qenë më tepër se 20 pjesëmarrës, anëtar të rrjetit të rinis së Novobërdës.
