Takimi është një motiv për të rinjtë nga komunitetet pakicë që të aplikojnë për konkursin e ardhshëm, i cili do të publikohet në faqen e internetit të Policis së Kosovës si dhe në media. Gjithashtu në takim u vu re se e gjithë procedura e aplikimit si dhe testimi do të bëhen përmes web aplikacioneve (online) në mënyrë që të gjithë kandidatët e mundshëm të jenë në gjendje të shohin rezultatet në vetëm pak çaste pas testimit të pjesës teorike. Për më tepër, të rinjtë u njohën me procedurën për kontrollimin e aftësive fizike që kandidatët potencialë duhet të përmbushin gjatë testimit.
