Nënkryetari i Komunës së Obiliqit, Ibush Mjekiqi, së bashku me Kryesuesen e Kuvendit Komunal, Vlora Mjekiqi Kabashi, Drejtoreshën e Shëndetësisë dhe Mirëqenies Sociale, Blerona Shabanaj Mehmeti, Drejtorin e QKMF-së, Haki Jashari, zëvendësministrin e Shëndetësisë, Arsim Berisha, dhe Kryetarin e Këshillit të Pacientëve, Fatmir Bislimi, morën pjesë në tryezën e organizuar në kuadër të projektit “Qasja në kujdesin shëndetësor, investim në të ardhmen”. Ky projekt zbatohet nga OJQ-ja “EcoKosWomen (EKW)” dhe është financuar nga Agjencia Austriake për Zhvillim (ADA), bashkëfinancuar nga Agjencia Suedeze për Bashkëpunim dhe Zhvillim Ndërkombëtar (Sida), dhe mbështetur nga Fondi i Grave të Kosovës i Rrjetit të Grave të Kosovës.
Gjatë diskutimit u trajtuan në mënyrë gjithëpërfshirëse sfidat që përballen gratë e Komunës së Obiliqit në qasjen ndaj kujdesit shëndetësor cilësor.
