Po përmbushet edhe një premtim tjetër i Qeverisjes sonë, dhe fjala është për projektin e ndërtimit të rrugës Syriganë – Bjeshkët e Syriganës, në kuadër të të cilit do të asfaltohet rruga në gjatësi 3,250 metra.
Kryetari i Komunës, Fadil Nura dhe drejtori për Urbanizëm dhe Mbrojtje të Ambientit, Ylber Morina, kanë vizituar sot pasdite rrugën, ndërsa janë takuar edhe me banorët vendës.
Realizimi i projektit vlerësohet si hap pozitiv edhe për zhvillimin e turizmit malor.
Ky projekt, përveç asfaltimit të rrugës në fjalë, parasheh edhe asfaltimin e degëzimeve dhe rrugëve tjera.
