Komuna e Vushtrrisë ka mbajtur sot dëgjime publike me qytetarë për përgatitjen e buxhetit të vitit 2025.
Dëgjim publik është mbajtur me sportistë dhe përfaqësues të OJQ-ve, si dhe me banorët e Këshillit lokal Studime e Epërme, që përfshin fshatrat Studime e Epërme, Studime e Poshtme dhe Skoçan.
Para qytetarëve, anëtarët e Komitetit për Politikë dhe Financa dhe zyrtarët e Drejtorisë për Buxhet, Financa dhe Thesar, kanë paraqitur buxhetin dhe projektet që janë paraparë në buxhetin për vitin 2025.
Ndërkaq, qytetarët pjesëmarrës në këto takime kanë paraqitur kërkesat e tyre.
