Kryetari Idrizi: Përfundon sinjalistka në rrugën “Avni Saraçi”

Kryetari i Komunës së Vushtrrisë, Ferit Idrizi, ka bërë të ditur se ka përfunduar sinjalistika rrugore në rrugën “Avni Saraçi”, ku është bërë shënjëzimi i trotuarit, shtegut të biçikletave dhe vendkalimit për qytetarë.

I pari i Vushtrrisë deklaroi se siguria e qytetarëve në trafik është prioritet.

“Pas asfaltimit të rrugës “Avni Saraçi”, rrugë arterie e qytetit, tashmë ka përfunduar edhe sinjalistika rrugore. Është bërë shënjëzimi i trotuarit, shtegut të biçikletave e vendkalimit për qytetarë. Sigurinë e qytetarëve në trafik e kemi prioritet!”, tha kryetari Idrizi.