Kryetari Idrizi: Ta mbajmë Vushtrrinë të pastër

Kryetari i Komunës së Vushtrrisë, Ferit Idrizi, ka bërë të ditur se sot është bërë pastrimi dhe mbjellja e drunjve dekorativ në pjesën e dytë të shëtitores “Enver Zymberi”.

Ky ka qenë një aksion i përbashkët mes Komunës së Vushtrrisë, përkatësisht Drejtorisë për Shërbime Publike me organizatën “Let’s Do It – Ta Pastrojmë Kosovën”, NPL “Përparimi”, fondacionin “Akuo” dhe nxënësit e shkollës SHMU-1.

Me këtë rast, kryetari i Komunës së Vushtrrisë, Ferit Idrizi, bëri thirrjen që të ruhet ambienti.

“Ruajtja e ambientit duhet të jetë mision i përbashkët!”, tha kryetari Idrizi.