Sot është mbajtur mbledhje komemorative në nderim të jetës dhe veprës së Sejdi Uka, veteranit të arsimit dhe ish-drejtorit të shkollës “Enver Hadri” në Smrekonicë.
Kontributi që Sejdi Uka ka dhënë si mësimdhënës e drejtor i shkollës “Enver Hadri” në Smrekonicë, u vlerësua lart nga të pranishmit në këtë mbledhje komemorative.
Mbledhja komemorative u organizua nën patronazhin e kryetarit të Komunës së Vushtrrisë, Ferit Idrizi, i cili në fjalën e tij vlerësoi kontributin që Sejdi Uka ka dhënë për edukimin e brezave.
“Edukove dhe arsimove breza dhe gjenerata, i shërbeve me krenari familjes dhe atdheut. I përjetshëm mbetet kujtimi për ty Sejdi Uka. Lavdi veprës tuaj”, tha kryetari Idrizi.
Sejdi Uka u lind më 05.12.1941 në Bajskë të Vushtrrisë.
