Prishtinë, 19 shkurt 2025
Kryeministri i Republikës së Kosovës, Albin Kurti, ka pranuar letër urimi nga Kryeministri i Bullgarisë, Rosen Zhelyazkov me rastin e 17-vjetorit të shpalljes së Pavarësisë së Kosovës.
“Bullgaria vlerëson shumë marrëdhëniet miqësore mes dy vendeve tona, të bazuara në besim reciprok, vlerat e përbashkëta, afërsinë kulturore dhe historike. Jam i bindur se do të vazhdojmë të punojmë aktivisht për të thelluar më tej bashkëpunimin tonë në të gjitha drejtimet me interes të përbashkët”, thuhet në urimin e kryeministrit Zhelyazkov.
Më këtë rast, kryeministri Zhelyazkov ka konfirmuar mbështetjen e vazhdueshme bullgare për Kosovën dhe ka siguruar se Bullgaria do të vazhdojë të jetë ndër mbështetësit më aktiv të vendit tonë.
Leter-urimi-i-Kryeministrit-te-Bullgarise-per-17-vjetorin-e-shpalljes-se-Pavaresise
