Generic selectors
Vetem tekstet e njejta
Kërkoni në titull
Kërkoni në përmbajtje
Post Type Selectors

Telegram ngushëllimi

Me pikëllim të thellë e morëm lajmin se ka ndërruar jetë akademik Minir Dushi i cili ishte inxhinieri i parë shqiptar dhe figurë e shquar në fushën e mineraleve. Ai la një trashëgimi të vyer në zhvillimin e industrisë dhe shkencës.

Ishte anëtar i Akademisë së Shkencave dhe të Arteve të Kosovës (ASHAK)që nga themelimi i saj. Akademik Minir Dushi ishte drejtues i disa institucioneve mësimore dhe shkencore të Kosovës, si Shkolla e Lartë Teknike në Mitrovicë (1961-1966), Instituti i Plumbit dhe i Zinkut i Kombinatit “Trepça” (1966-1973), Fakulteti i Xehetarisë dhe i Metalurgjisë në Prishtinë (1970) e më vonë në Mitrovicë (1975-1979).

Në vitin 1969 u zgjodh profesor inordinar i Fakultetit Teknik të Prishtinës, ndërsa në vitin 1975 profesor ordinar i Fakultetit Xehtaro-Metalurgjik në Mitrovicë, ku ushtroi detyrën e dekanit për dy mandate. Në vitin 1970 u zgjodh zëvendësrektor i parë në Universitetin e Prishtinës kurse në vitin 1981 u bë rektor i këtij universiteti. Akademik Dushi u nderua me një sërë çmimesh, dekoratash dhe mirënjohjesh.

Në emër të Ministrisë së Arsimit, Shkencës, Teknologjisë dhe Inovacionit u shpreh ngushëllime familjes së akademik Minir Dushi, Akademisë së Shkencave dhe Arteve të Kosovës, Universitetit të Prishtinës, miqve dhe bashkëpunëtorëve.

Arbërie Nagavci, ministre e Arsimit, Shkencës, Teknologjisë dhe Inovacionit

Generic selectors
Vetem tekstet e njejta
Kërkoni në titull
Kërkoni në përmbajtje
Post Type Selectors
This site is registered on wpml.org as a development site. Switch to a production site key to remove this banner.