Prishtinë, 7 shtator 2009- Më 06 shtator 2009, në ora 23 e 49 minuta, sizmografët e Rrjetit Sizmologjik të Divizionit të Sizmologjisë në Ministrinë e Energjisë dhe Minierave të Republikës së Kosovës, regjistruan tërmet në Shqipëri.
Tërmeti kishe epiqendrën 45 km në veri-lindje të Elbasanit dhe 13 km në jug-perëndim të Dibrës. Magnituda e tërmetit ishte 5.4 shkallë të Rihterit, ndërsa intensiteti në epiqendër VI-VII ballë sipas MCS-64.
Tërmeti është ndier edhe në pjesën juglindore të territorit të Republikës së Kosovës. Duke u bazuar në thellësinë e hipoqendrës, tërmeti në territorin e Republikës së Kosovës nuk ka mundur të shkaktojë dëme materiale, ndërsa në epiqendër kishte dëme materiale, mu për shkak të thellësisë së vogël të hipoqendrës (2 km).