DO TA RUAJMË MJEDISIN TONË
Prishtinë, 28 prill 2009 – Është kënaqësi e veçante për mua qe në emër të Ministrisë së Energjisë dhe Minierave, të ju uroj mirëseardhjen dhe qëndrim te këndshëm në Prishtinë miqve nga jashtë pjesëmarrës ne këtë Konferencë ndërkombëtare.
Ndryshimet klimatike të cilat po i përjeton globi ynë këto dekadat e fundit përbejnë shqetësim serioz për të gjithë vendet, të mëdhenj e të vegjël, të industrializuar apo në zhvillim. Këto ndryshime përbë janë një nga sfidat më të mëdha që has njerëzimi në kohë n e sotme.
Efektet negative të ndryshimeve aktuale klimatike, nëse këto të fundit nuk përmbahen me kohë , mund ta çojnë globin jo vetëm në situata klimatike negative të pakthyeshme, por edhe të shkaktojnë probleme sociale me kosto shumë herë më të lartë se ato që nevojiten për ta përmbajtur vetë ndryshimin klimatik. Janë këto arsyet kryesore që po preokupojnë gjithnjë dhe më shumë shtetet nëpër të gjitha kontinentet. Kohë t e fundit po shohim se edhe administrata e re në SHBA ka marre një qasje krejt tjetër ndaj bashkëpunimit ndërkombëtar për trajtimin e çështjeve që lidhen me ngrohjen globale dhe faktorët që mendohet se shkaktojnë atë.
Duket se kjo qasje është pak a shumë e ngjashme me atë të Bashkimit Evropian. Pozicion mjaft përkrahës pritet edhe nga vende të tjera të mëdha si Kina, India dhe Australia. Pra, ka shume gjasa që një epokë e re e bashkëpunimit ndërkombëtar të filloje pas vendimeve që do të merren në takimin e nivelit të lartë mbi ndryshimet klimatike që do të mbahet nga fundi i këtij viti në Danimarkë .
Po Kosova? Ku jemi ne? Cilat sfida na presin?
Edhe pse një vend i vogël, Kosova ka pjesën dhe rolin e saj ndaj ndryshimeve klimatike. Kosova është maksimalisht e angazhuar ndaj integrimeve Evropiane dhe ndërkombëtare, gjë që do te thotë se Kosova mbështet edhe çdo nisme ndërkombëtare për të sfiduar ngrohjen e pakontrolluar globale. Dihet se një nga shkaktarë t e mëdhenj të ngrohjes globale është rezultat i aktiviteteve të sektorit energjetik, sidomos përdorimit të qymyreve për prodhimin e energjisë elektrike. Në këtë aspekt Kosova ka impaktin e vet sepse gjenerojmë dhe do të vazhdojmë të gjenerojmë edhe ne të ardhmen energji elektrike kryesisht prej linjitit. Por Kosova do ta bën këtë në mënyrë te përgjegjshme, pra në mënyrën më të pastër që mundësohet nga teknologjitë me bashkëkohore që ekzistojnë. Kështu do të ruajmë mjedisin, do të respektojmë normat e BE-se sa i takon emetimeve nga centralet termoelektrike dhe aktivitete tjera në sektorin energjetik, dhe do të marrim pjesë aktive në marrëveshjet e ardhshme ndërkombëtare për ndryshimet klimatike. Jemi te përgjegjshëm se kjo do ta këtë koston e saj, dhe Kosova do ta bart barrën që i takon në këtë aspekt.
Agjenda e kësaj Konference dy ditore është mjaft relevante dhe e ngjeshur. Do të informohemi dhe do të paraqiten eksperienca dhe sfidat ndërkombëtare dhe vendore që lidhen me ndryshimet klimatike. Unë dëshiroj të shfrytëzoj prezencën në këtë Konferencë të përfaqësuesve të Bankës Botërore, Komisionit Evropian, UNDP-së , KFW -së , etj. Për të sensibilizuar edhe një herë institucionet që ata përfaqësojnë mbi nevojat e Kosovës për mbështetje teknike dhe financiare për realizimin e disa projekteve prioritare që lidhen kryesisht me ngritjen e sistemeve për monitorimin e emetimeve të gazeve dhe mbetjeve të tjera të lëngëta e të ngurta që dëmtojnë mjedisin.
Buxheti i Kosovës është i kufizuar dhe nuk mund ti përballon të gjitha nevojat në këtë drejtim, por ma dyshim që Qeveria do të vazhdojë të bëjë atë që mundet. Është e rëndësishme të theksoj se kapacitetet e reja gjeneruese të energjisë elektrike që po përdatemi të ndërtojmë në Kosovë do të përmbushin të gjitha kërkesat dhe normat më të mira ndërkombëtare. Ndërkohë, Qeveria po punon për të plotësuar edhe disa obligime të tjera që na dalin në kuadër të Traktatit për Komunitetin e Energjisë sa i takon shfrytëzimit të burimeve të ripërtëritshme.
Po punojmë për të përgatitur procesin për ndërtimin e Hidrocentralit të Zhurit, si dhe te fillojmë brenda këtij viti koncesionimin e ndërtimit të hidrocentraleve të vogla në Kosovë . Pa dashur te zgjatem me shume, meqë edhe Ministria e Mjedisit dhe Planifikimit Hapësinor do të paraqesë mjaft informacion rreth temës se kësaj Konference, unë ju uroj pune te suksesshme gjate këtyre dy ditëve.
Ju faleminderit!