Prishtinë, 9 dhjetor 2009 – Të mërkurën zëvendësministri i Energjisë dhe Minierave dr.Techn. Blerim Rexha, së bashku më këshilltarin dr.Techn Bedri Dragusha, kanë pritur një delegacion hungarez të prirë nga Jeno Faler sekretar i Shtetit dhe zëvendësministër i Punëve të Jashtme të Hungarisë, Tamas Magda Shef i Departamentit hungarez për Ballkan dhe Agnes Kovago Këshilltare Politike në Departamentin hungarez për Ballkan.
Takimi kishte qëllim njoftimin e palës hungareze më të arriturat në fushën energjetike në Kosovës si dhe bashkëpunimi në mes dy vendeve në fushën energjetike dhe atë minerare. Me këtë rast zv.ministri i Energjisë dhe Minierave dr. Techn Blerim Rexha, ka informuar të pranishmit për projektet e energjetike që po kryen Ministria e Energjisë dhe Minierave (MEM) duke ua potencuar atyre se përkushtimi që fusha e energjetikes të avancohet është prioritet i Qeverisë së Kosovës. “Avancimi i fushës së energjisë dhe asaj minerare është në fokusin e Qeverisë së Kosovës dhe jemi duke punuar seriozisht që të arriturat në këtë fushë të jenë të prekshme “ ka thënë Rexha .
Ai me këtë rast gjithashtu ka njoftuar palën hungareze për projektin e Termocentralit “Kosova e Re”, projektet për ndërtimin e Hidrocentraleve dhe angazhimin që MEM po bënë që të gjithë hapat të jenë komfor Bashkimit Evropian BE.
Nga ana tjetër pala hungareze ka njoftuat zëvendësministrin Rexha që shteti hungarez është i interesuar të investoj në Kosovës respektivisht në fushën energjetike dhe atë minerare , duke pohuar se Shteti hungarez së shpejti do të inicioj edhe hapa bashkëpunues përfshirë nënshkrimin e memorandumit të bashkëpunimit në mes dy vendeve Kosovë- Hungari.