Prishtinë, 23 tetor 2009- Nën organizimin e Zyrës për Integrime Evropiane të MEM-it ,është mbajtur takimi për Gasin. Në takim pjesëmarrës ishin akterët e fushës energjetike siç janë MEM, ZRrE, KOST dhe KEK.
Gjithashtu në takim ka marr pjesë edhe përfaqësuesi i Sekretariatit të Komunitetit të Energjisë TKE Alfred Schuch . Takimin kishte qëllim diskutimin për avancimin e fushës legjislative për Gasin, krijimin e infrastrukturës ligjore për Gazin në mënyrë që të përmbushen obligimet që dalin nga direktivat e BE- së për këtë fushë.
Zyrtarë të MEM-it, me këtë rast kanë pohuar se MEM-i është i angazhuar që fusha legjislative të plotësohet komfor direktivave evropiane duke synuar që të shënohet edhe hapi i parë që Kosova të lidhet në rrjetin ndërkombëtar të Gasit. Ndryshe, në takim zyrtarët e Ministrisë së Energjisë dhe Minierave janë përgëzuar për hartimin e ligjit të Gasit, i cili është miratuar në Kuvendin e Kosovës.