Prishtinë, 15 prill 2009 – Ministrja e Energjisë dhe Minierave (MEM), Justina Shiroka – Pula ka pritur të mërkurën ministrin e Mjedisit, Pyjeve dhe Administrimit të Ujërave të Republikës së Shqipërisë, Lufter Xhuveli dhe këshilltaren për ujëra të kryeministrit të Sali Berishes, Enkeleida Gjinali.
Ministrja Pula me ministri Xhuveli kanë biseduar për mundësinë e thellimit të bashkëpunimit në fushën e mjedisit, e në veçanti të ujërave.
Ministrja Pula ka thënë me këtë rast se MEM është i interesuar të thellojë bashkëpunimin institucional në fushat që përfshin kjo ministri duke pasur parasysh interesin reciprok.
Nga ana tij, ministri Xhuveli ka thënë se Tirana zyrtare është e gatshme të ofrojë tërë eksperiencën e saj në fushën e mjedisit dhe menaxhimit të ujërave, në mënyrë që Kosova të marrë përvojat më të mira në këto fusha.